الوضع لازم يتغير 4 MC Amin - الثورة مستمرة
السلام عليكم
بدون مقدمات
جديد ام سي امين 2012
الثورة مستمرة
الوضع لازم يتغير 4
MC Amin - El Wad3 Lazem Yet3'ayar 4
El Thawra Mostamera
Download MP3
http://www.4shared.com/mp3/sX8aJG_3/...ostamera_.html
Or
http://limelinx.com/files/2c4d35d0a5...4765d6927df2be
الكلمات - Lyrics
====
Verse 1
انتهى جيل ابعد عن الشر وغنيله
احنا جيل دور على الشر وطلع ميتينه
مفيش غيره هوا حل واحد ملوش بديل
بالدليل دلوقتي هديك كلام عيار ثقيل
قلنا لأ للمشير قلنا ايوا للتغيير
هوا مطلب واحد من ميدان التحرير
يانجيب حقهم يانموت زيهم
تمن دمهم مش رخييييص
ولا كمان دموع امهم دا لأنهم
اخواتنا ولادنا ولاد بلادنا
الثورة مستمرة مش هناخد اي هدنة
هننزل من بيوتنا لحد تحقيق المطالب
بطالب شعبي بالتماسك لأفساد مقالب
الحاكم الظالم الأعلام الفاسد المضلل
هجيبلكم النهاية مش هقصر ولا هطول
احـــــااااا
لسه بيحكم حتى بعد ما اتنحى
اتخلع اتقلع وانا اللي صوتي جالو بحة
Chorus X2
مش بقدم الولاء لأي حزب سياسي
ولا عندي اي وفاء لأي كرسي من الكراسي
هيا فكرة جت في راسي راسي دا شئ اساسي
مبقاش ناسي ناسي مبقاش قاسي ناحية ناسي
Verse 2
انتشار الفتنة الطائفية زرع العنصرية
محاولات مناوشات لمحو الشخصية المصرية
والمرحلة الأولى قتل النخوة والرجولة
سممونا كممونا كانوا فاكرين هيسكتونا
فـ لقونا بنقاوم ونهاجم ونقاتل وندافع
وبنبني سد مانع بالأيمان قدام مدافع
غاز مسيل للدموع لقوا مفيش رجوع
طب خرطوش مع الحصار ضرب نار
مش دا الموضوع الجوع حافز من الحوافز
والميدان من النوافذ لو هنموت دا برضو جايز
والشهادة من الجوايز ايوه عايز حق اخواتي
مهمة انادي مهمة اهاتي مش هتشوف سكاتي
حتى لو جيه يوم مماتي
روحي في الميدان موجودة تدي شعبي طاقة
تجيب جمال تجيب خيول تجيب بغال او الف ناقة
مش فدماغي اي حاجة
حقي لازم اجيبوا مش هسيبوا لو رحت فسبيلوا
قولوا يلا كان نصيبه
Chorus X2
مش بقدم الولاء لأي حزب سياسي
ولا عندي اي وفاء لأي كرسي من الكراسي
هيا فكرة جت في راسي راسي دا شئ اساسي
مبقاش ناسي ناسي مبقاش قاسي ناحية ناسي
Verse 3
كنت شايف اللون الأحمر مالي المدرج
لقيت اللون الأحمر لون الدم وانا بتفرج
بينزف وبيملى الملعب دي ناس بتهرج
والأمن بيساعد في القتل مش راضي يتحرك
طب ولع شمروخ عليه لفوق يمحي الظلام
خليه ينشر حرية يمكن يسقط نظام, حرام
شباب صغير شباب برئ
شباب الأهلى اهلي مش مخرب لآ جرئ
واقف من البداية وبيشارك في الأحداث وبيداس
وبيتهاجم قدام كل الناس مفيش احساس
طب فين الراس اللي تفكر وتشوف مين اللي مدبر
ومخطط ومضبط ومقدر مقادير اللعبة اللي تدمر
وتخرب في بلادنا وتقتل في ولادنا قدامنا
يارب ارحمنا ارحم امواتنا خلي مصيرنا الجنه
استنى اوعى تبيع ضميرك للشيطان
هتقول امين اخويا قلي واهو جاي الزمان
Chorus X2
مش بقدم الولاء لأي حزب سياسي
ولا عندي اي وفاء لأي كرسي من الكراسي
هيا فكرة جت في راسي راسي دا شئ اساسي
مبقاش ناسي ناسي مبقاش قاسي ناحية ناسي
Reply With Quote
Bookmarks